ممنون حسین کو الوداعی گارڈ آف آنر، نئے صدر عارف علوی آج حلف اٹھائیں گے

President-Mamnoon-Hussin-Gur-of-Honer.jpg

اسلام آباد: صدر مملکت ممنون حسین کی مدت صدارت ختم ہوگئی اور انہیں ہفتے کو الوداعی گارڈ آف آنر بھی پیش کیا گیا۔

صدر ممنون حسین کو ایوان صدر میں الوداعی گارڈ آف آنر پیش کیا گیا۔

صدر ممنوں حسین نے گارڈ آف آنر کے بعد ایوان صدر کے ملازمین سے فرداً فرداً مصافحہ کیا اور پھر ممنون حسین ایوان صدر سے روانہ ہو گئے۔

ترجمان ایوان صدر کے مطابق نومنتخب صدر ڈاکٹر عارف علوی آج پاکستان کے 13 ویں صدر کی حیثیت سے حلف اٹھائیں گے۔

دوپہر ایک بجے نئے صدر پاکستان سے چیف جسٹس پاکستان میاں ثاقب نثار حلف لیں گے، تقریب حلف برداری میں وزیراعظم پاکستان، وفاقی وزراء اور مسلح افواج کے سربراہان بھی شرکت کریں گے۔

مزید:تحریک انصاف کے عارف علوی ملک کے 13ویں صدر منتخب

ڈاکٹر عارف علوی 4 ستمبر کو ہونے والی پولنگ کے نتیجے میں ملک کے آئندہ صدر کی حیثیت سے منتخب ہوئے تھے۔

ریڈیو پاکستان کی ایک رپورٹ کے مطابق صدر ممنون حسین نے گزشتہ روز ایوان صدر کے افسران اور اہلکاروں سے الوداعی ملاقات کی۔

اس موقع پر صدر ممنون حسین نے اپنے الوداعی خطاب میں کہا کہ آئین وقانون کی پاسداری اور اچھی حکمرانی میں ہی وطنِ عزیز کی ترقی اور خوشحالی پوشیدہ ہے۔

ممنون حسین نے کہا کہ وہ عہدہ صدارت چھوڑتے وقت اس بات پر مطمئن ہیں کہ انہوں نے اپنی ذمہ داریاں ادا کرنے میں کوئی کسر نہیں چھوڑی اور اپنے اختیارات اور آئینی حدود میں رہتے ہوئے کام کیا۔

صدر ممنون حسین نے ایوانِ صدر کے عملے کا شکریہ ادا کیا، جن کے تعاون سے وہ اپنی سرکاری ذمہ داریاں احسن انداز میں پوری کر پائے۔

شئیر کیجئے

PinIt

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.