پاکستان نے امریکا کی کوئی مدد نہیں کی، صدر ڈونلڈ ٹرمپ کا الزام

امریکی صدر ڈونلڈ ٹرمپ نے الزام عائد کیا ہے کہ امریکا کے لیے پاکستان کچھ نہیں کررہا اس لئے دی جانے والی امداد بند کردی ہے۔

امریکی میڈیا کو انٹرویو دیتے ہوئے ڈونلڈ ٹرمپ نے پاکستان کی روکے جانےوالی امریکی امداد کا دفاع کرتے ہوئے کہا کہ اس ملک نے ہماری کوئی مدد نہیں کی اور اسامہ بن لادن کو پناہ فراہم کی۔

انھوں نے کہا کہ اسامہ بن لادن پاکستان میں ایک خوبصورت منشن میں رہتا تھا جو کہ بہت اچھا تھا۔ انھوں نے الزام عائد کیا کہ اسامہ کا گھر پاکستان ملٹری اکیڈمی کے نزدیک تھا، پاکستان میں ہر کوئی جانتا تھا کہ وہ وہاں رہائش پذیر ہے۔

ڈونلڈ ٹرمپ نے بتایا کہ امریکا نے پاکستان کو ایک ارب 30 کروڑ ڈالر سالانہ امداد دی اور یہ ہم ہر سال دیتے رہے مگراب ہم پاکستان کو امداد نہیں دیں گے کیوں کہ پاکستان نے ہمارے لئے کچھ  بھی نہیں کیا ہے۔

شاید آپ یہ بھی پسند کریں

جواب چھوڑیں

آپ کا ای میل ایڈریس شائع نہیں کیا جائے گا.