ڈی سی باجوڑ کا رویہ عوام کے ساتھ انتہائی نامناسب ہے، فوری تبادلہ کیاجائے۔ سابق ایم این اے اخونزادہ چٹان

Chatan-Press-Confrenc-Aginst-DC.jpg

باجوڑ پریس کلب میں پریس کانفرنس سے خطاب کرتے ہوئے پاکستان پیپلز پارٹی کے صوبائی سینئر نائب صدراور سابق ایم این اے سید اخونزادہ چٹان نے کہا ہے کہ ڈپٹی کمشنر باجوڑ نے ضلع بھر میں کرپشن کا بازار گرم کررکھاہے اور لوگوں سے بے جا جرمانے وصول کرنے کے بعد رہا کردیتے ہیں۔ عوام ڈی سی باجوڑ کے نامناسب روئیے سے تنگ آچکے ہیں۔

باجوڑ میں امن کیلئے قربانیاں دینے والے شہدا ء کے لواحقین کیساتھ ناروا سلوک رکھتاہے اورشہداء کے لواحقین کو بے جا تنگ کرتاہے۔انہوں نے کہا کہ ڈی سی کے نامناسب رویے پر اُس کو فی الفور تبدیل کیاجائے۔ سید اخونزادہ چٹان نے مارچ کا ڈیڈ لائن دیتے ہوئے کہا کہ اگر کوئی اس ریاست کیساتھ مخلص ہو تو وہ ڈپٹی کمشنر کو سمجھائیں کہ وہ عوام کیساتھ اپنا رویہ درست کرلیں ورنہ مارچ کے بعد ڈی سی ہٹاؤ مہم کا آغاز کریں گے ۔

انہوں نے مارچ کے مہینے میں ڈی سی باجوڑ کے کرپشن اور ناجائز اختیارات استعمال کرنے پر وائٹ پیپر جاری کریں گے ۔انہوں نے کہا کہ باجوڑ میں سال2011میں پولیو کیس آیاتھا لیکن جب سے ڈی سی باجوڑ نے چارج سنبھالا ہے تو سات سال بعد پولیو کے پے درپے کیسز کیوجہ سے باجوڑ اور ملک کی بدنامی ہورہی ہے۔

انہوں نے کہا کہ باجوڑ میں پولیو کیسز ، لشمینیا کی وباء پھیلنے اور ہسپتال میں بچوں کی اموات کا ذمہ دارڈی سی باجوڑ ہے کیونکہ اُس کی ساری توجہ انتظامی امور کی بجائے پیسے کمانے پر ہیں ۔

Share this post

Leave a Reply

Your email address will not be published. Required fields are marked *

scroll to top